Ørnar IL og Terje Skjeldestad keeperskule håpar på god påmelding til keeperskulen på Skulestadmo i haust. Instruktørane våre gleder seg til treningsøktene på det flotte idrettsanlegget til Ørnar IL:)

INFORMASJON OG PROGRAM

Keeperskule på Skulestadmo, Voss, 16.–17. september 2017

Keeperskulen er for alle mellom 8 og 16 år og det vil bli delt inn i grupper etter alder og ferdigheiter. Her vil alle få utfordringar og lære mykje frå engasjeraned instruktørar. Dette er òg eit fint høve for unge fotballspelarar til å finne ut om keeperrolla er noko som passar dei. Me håpar på mange påmeldte og at foreldre og trenarar kan ta turen til Skulestadmo for å få tips til keepertrening.

Gruppeinndeling:

8– og 9–åringane går inn i ei gruppe som me kallar "minikeeper". Denne gruppa vil få innføring i basisteknikk for keeperar og får vera med på mykje artig aktivitet.
Gruppa "Gøy å bli keeper" er for jenter og gutar frå 10–12 år. Deltakarane får øve mykje på basisteknikk og sjølvsagt blir det mykje "action".
Frå 13 år og eldre vil deltakarane bli delt inn i grupper på kjønn og ferdigheiter, og blir nok køyrt med høgare intensitet og fart.

Dei to yngste gruppene passar godt for jenter og gutar som ønskjer å finne ut om keeperrolla er noko for dei. Uansett er dette god trening for alle, store og små.

Me håpar foreldre og trenarar kan kome og sjå på treningane. Det er viktig at jentene og gutane får oppfølging. Me veit at øving hjelp på motivasjon og mestring, som er viktig for å ha det gøy:-)

PRISAR:

8- og 9-åringar(født 2008–2009): kr 1000,–
10–16 år(født 2007 og eldre: kr 1400,–

Inkludert i prisen er lunsj og drakt/trøye med keeperskulelogo.

BETALINGSINFO:

Terje Skjeldestad keeperskule
Røsslyngteigen 1
6854 KAUPANGER
Kontonr.: 3720 12 78415
NB! Hugs å skrive på namn på deltakaren.

Ved mottatt betaling er du påmeldt:-)

Program:

Laurdag 16. september

Kl. 10.30           Frammøte og registrering på idrettsanlegget til Ørnar på Skulestadmo, klar for trening:-)
Kl. 11.00           Trening
Kl. 13.00           Lunsj
Kl. 15.00           Trening

Søndag 17. september

Kl. 09.45          Frammøte og klar for trening
Kl. 10.00          Trening
Kl. 12.00          Lunsj
Kl. 13.00          Trening
Kl. 15.00 Slutt

Alle må ha med fotballsko, joggesko, leggskinn keeperhanskar og drikkeflaske med namn
Godt med treningsklede i tilfelle dårleg vêr
Ta òg med rikeleg med godt humør. Viktig:-)